सुनैना होले नामक एका सर्वसामान्य महिलेने ट्विटर ( Twitter ) वर केलेल्या काही ट्विट वरून मुंबई पोलिसांनी त्यांच्याविरुद्ध FIR दाखल केली होती.

ह्या प्रकरणात सूनेना ह्यांना मुंबई उच्च न्यायालयाने संरक्षण दिले आहे आणि त्यांना अटक करू नये तसेच त्यांच्याविरुद्ध चार्जशीट दाखल करू नये असे निर्देश कोर्टाने मुंबई पोलिसांना दिले आहेत.

सूनैना ह्यांनी राज्याचे मुख्यमंत्री उद्धव ठाकरे आणि कॅबिनेट मंत्री आदित्य ठाकरे यांच्याबद्दल आपली मते twitter वर व्यक्त केली होती. ही मते आक्षेपार्ह असल्याच्या तक्रारीवरून मुंबई पोलिसांनी त्यांच्यावर कारवाई केली. पोलिसांच्या ह्या कारवाई वर अभिव्यक्ती स्वातंत्र्याच्या समर्थकांकडून, सामान्य नागरिकांकडून चांगलीच टीका झाली होती.