बंगालमधील राजकीय हिंसा थांबवायला केंद्रीय सुरक्षा दलांना पाठवा: सुप्रीम कोर्टात याचिका
 

पश्चिम बंगाल मध्ये विधानसभा निवडणुकीचे निकाल लागल्यानंतर प्रचंड हिंसाचार होत असल्याचे समोर आले आहे. हा हिंसाचार थांबवण्यासाठी केंद्रीय सुरक्षा दलांना बंगालमध्ये पाठवावे अशी मागणी करणारी याचिका Indic Collective ही संस्था सर्वोच्च न्यायालयात दाखल करत असल्याचे समजते.

   

ममता बॅनर्जी ह्यांच्या तृणमूल काँग्रेस पक्षाने बंगालमध्ये विधानसभा निवडणूक जिंकली. ह्यानंतर तृणमूल कार्यकर्त्यांनी भारतीय जनता पक्षाच्या कार्यकर्त्यांना मारहाण केल्याचे, कार्यालयांना आग लावल्याचे, तोडफोड केल्याचे आरोप होत होते आणि अशा तथाकथित घटनांचे व्हिडिओ रविवार पासुन समोर येत होते.

 

भारतीय जनता पक्षाच्या ६ कार्यकर्त्यांची तृणमूल कार्यकर्त्यांनी हत्या केल्याचेही आरोप होत आहेत. ह्या कार्यकर्त्यांचा मृत्यू झाल्याचे समजताच बंगालच्या राज्यपालांनी पोलिसांना योग्य ती कारवाई करण्याचे आदेश दिले. त्यांनी गृह सचिवांकडे ह्यासंबंधी अहवालही मागितला.

   

परंतु राज्यपालांना अजूनही हा अहवाल मिळालेला नसल्याचे समजते .

 

केंद्रीय गृह मंत्रालयाने बंगाल सरकारकडून निवडणूक निकालानंतर झालेल्या हिंसक घटनांचा अहवाल मागितला आहे.

   

भाजप नेते कैलास विजयवर्गीय ह्यांनी बंगालमध्ये चालू असलेल्या हिंसाचाराचा एक व्हिडिओ ट्विटर वर शेअर केला आहे. ज्यात महिला कार्यकर्त्यांना अमानुष मारहाण होताना दिसते आहे.

 

परंतु ही हिंसा थांबण्याची चिन्हे दिसत नसल्याने आता Indic Collective ह्या ट्रस्ट ने सर्वोच्च न्यायालयात दाद मागायला जाण्याचा निर्णय घेतला आहे. ही याचिका लवकरच दाखल होऊन त्यावर सुनावणी होईल.

 
अपडेट ( ४/५/२०२१)

Indic Collective तर्फे मंगळवारी ही याचिका दाखल करण्यात आली आहे. याचिका संपूर्ण वाचण्यासाठी ह्या लिंक वर क्लिक करा.

 

https://www.indiccollective.org/court-news/pil-for-deployment-of-central-forces-in-west-bengal/

2 thoughts on “बंगालमधील राजकीय हिंसा थांबवायला केंद्रीय सुरक्षा दलांना पाठवा: सुप्रीम कोर्टात याचिका

Leave a Reply

Your email address will not be published. Required fields are marked *

error: Content is protected !!